ترحيب بطلاب الدرسات العليا وكل من يهمه الامر خيارات

[asmaa_cs]

السلام عليكم ورحمة الله وبركاته
اولا:أحب ارحب بكل طلاب الدرسات العليا
واهني الناس اللي اتقبلوا السنة دي ويارب سنه جديدة سعيدةعلينا كلنا.
ثانيا:الناس اللي لسه ما قدموش للدرسات العليا ربنا يوفقهم في مجال العمل وياريت يفكروا في الدراسات جنب العمل لو وقتهم يسمح.
ثالثا: اي استفسارت او اي معلومات تحبوا تعرفوها ياريت تقولوا واحنا هنحاول علا قد ما نقدر نجاوب عليها ده بالنسبه لجامعه اسيوط
واخيرا ياريت طلبه الدرسات العليا في الجامعات الاخر يتعاونوا معانا علشان نساعد بعض كلنا
.....مواد الدراسةوالجدول وشروط القبول في الدرسات العليا انتظروا الموضوع القادم

[hendokasha]

جزاك الله خيرا يابشمهندسه علي المعلومات دي
وكنا عايزين نسال اذا كان حد جايب مقبول هل في فرصه انه يحضر ويعمل ايه علشان يحضر ؟

[asmaa_cs]

السلام عليكم
ايوة طبعا يا بشمهندسة في فرصه للجايب تقدير مقبول انا يكمل درسات عليا
هيقدم علا دبلومة مدتها سنة.طبعا كل واحد حسب القسم بتاعه
بس في شرط ان يكون عدد المتقدمين للدبلومة لا يقل عن 5 افراد في القسم.
وبعد النجاح في الدبلومة ,يقدم على التهميدي ودي مدتها سنة كمان.
بعدها بيقدم موضوع البحث وبيختار الدكتور المشرف.ويتم مناقشته ومنحه درجه الماجستير في مدة لا تقل عن سنه كحد ادني .
بس الاهم من كل ده ان يكون الطالب عنده القدرة والحماس انه يكمل.
ونفس المشوار بالنسبه للطالب اللي تقديرة جيد او اكثر لكن الفرق هي السنة الدبلومة. بيقدم تمهيدي على طول.
وغير مقيد بعدد معين لقبول يعني في واحد بس مقدم في القسم الوائح بتقول انه يتقبل.
يارب اكون افادتكم بالمعلومات دي وفي انتظار باقي استفساراتكم.

[asmaa_cs]

السلام عليكم ورحمة الله وبركاتة
يا رب يكون المنتدي ده بيفيد حد
عموما انا عندي بعض المعلومات عن قرارات بتاخدها ادارة الكلية بس هيه مش اكيد لحد دلوقتي
كل شويه يغيرو فيها يعني مرة يقولوا انهم مش هيقبلوا حد في قسم نظم المعلومات تقديره اقل من جيد جدا
وبعدين يرجعوا يقولوا انهم هيقبلو تقدير جيد بنسبة مرتفعة.
وشوية يقولوا انهم هيقبلوا طلبه من قسم تكنولوجيا المعلومات وبعدين يقولوا لا مش هيقدروا علشان العدد قليل واعضاء هيئة التدريس مش كتير.
وحتي الان الجدول لسه ما نزلش.واول ما الاخبار تتاكد هبلغكم ان شاء الله.
وفي انتظار استفسرات اكتر وتشجيعكم كمان.

[heba el fakharan...]

السلام عليكم
سؤال لو سمحتم
هو التقديم لسه شغال ولا اتقفل
ولا هو حسب كل جامعه ؟

[asmaa_cs]

سلام عليكم
بالنسبه للسؤال عن مواعيد التقديم هي بتكون في بداية السنه الدراسيه يعني في شهر 8 و9
يعني السنادي التقديم اتقفل خلاص دة بالنسبه لجامعة اسيوط وغالبا الجامعات التانيه كدة.
عندي خبر للطلبة اللي قدموا السنادي في قسم تكنولوجيا المعلومات جامعة اسيوط ان الكليه ما قبلتش حد من القسم دة السنادي محدش يزعل يا جماعه , مين عارف الخير. فين كل تاخيرة وفيها خيرة.
وربنا يكرم الجميع.

[hendokasha]

السلام عليكم
سؤال لو سمحتم
هو التقديم لسه شغال ولا اتقفل
ولا هو حسب كل جامعه ؟

علي فكره ممكن تلاقي جامعات لسه مش لازم كله زي بعضه

[hassan soft]

السلام عليكم
بالنسبة للمنصورة التقديم فيها قفل برده
واى إستفسار عن الدراسات فى المنصورة
انا موجود إنشاء الله

[hendokasha]

السلام عليكم
بالنسبة للمنصورة التقديم فيها قفل برده
واى إستفسار عن الدراسات فى المنصورة
انا موجود إنشاء الله

ياريت يابشمهندسه تقولي لينا النظام ازاي والسنوات وكده
وكمان المواد المقرره بس في موضوع منفصل باسم جامعه المنصوره وجزاكي الله خيرا

[Eng.ahmed_desoki]

السلام عليكم . بالنسبة لحاسبات ومعلومات المنوفية فالدبلومة سنتين وتقبل تقدير مقبول ولمزيد من المعلومات ادخل على الرابط الاتى
http://www.forums.fci4all.com/index.php?showtopic=14280
وشكرا

[ainar]

السلام عليكم
ازيكم كلكم يارب تكونوا بخير
انا كنت عايزة استفسر عن حاجة مهمة وبصراحة قولت مفيش غير الناس اللي في المنتدى الجميل ده اللي يقدروا يفيدوني
انا كنت سالت في حاسبات حلوان عن الدبلومة وعرفت انها قسمين دبلومة معلومات اعمال ودبلومة معلوماتية طبية ومدة الدراسة سنة وانت وشطارتك لان النظام طبعا ساعات معتمدة
قدمت في دبلومة معلومات الاعمال لاني عايزة اكمل ومكنش قدامي غير جامعة حلوان لاني سالت في القاهرة وعين شمس موصلتش للي انا عيزاه يا اما الدبلومة عندهم بتخلص في سنتين او تكاليفها عالية قوي خصوصا في معهد الدراسات والبحوث اللي الترم الواحد فيه الفين والدبلومة سنتين يعني عشاناخلصها هتكلفني 8000 وده طبعا لا يعقل ومعهد الدراسات والبحوث هو تابع لجمعة القاهرة تقريبا لان القاهرة مفيهاش دبلومة فمكنش قدامي غير حلوان
وبالاخص دبلومة معلومات الاعمال لان دبلومة معلوماتية طبية دي حسيتها بعيدة شوية عننا وعرفت ان ينفع يقدم فيها طبعا طلبة طب وصيدلة وهندسة لان هتفيدهم هما اكتر وهيا شوية خاصة بيهم
اللي مخليني متاخدة شوية ان خريجين تجارة يقدروا يقدموا عادي في الدبلومات دي مع احترامي ليهم بس انا فكرت بيني وبين نفسي هما ليه مش عملينها لطلبة حاسبات بس لو كانت خاصة بحاسبات فعلا ؟ وهتبقا الدراسة بالعربي ولا بالانجليزي على اساس ان خريجين تجارة اعتقد دراستهم بالعربي ومستوى الدبلومة لان طبعا احنا دراستنااقوى من دراسة تجارة بصرف النظر عن لغة الدراسة المحتوى كمان هيبقا عامل ازاي اسالة كلها بتدور في دماغي وقلقاني
انا عرفت ايه المواد اللي في الدبلومة ولقيت في مواد كتير شبه حجات احنا درسناها زي الذكاء الاصطناعي والGIS وداتا بيز وحجات تانيةكتير بس لقيت فيها كمان مواد اسمها غريب عليا يعني في مادة اسمها الرسم بالكمبيوتر ومادة كدة تبع كلي تجارة وباينة من اسمها بس مش فكراها دلوقتي
انا من الاخر عايزة حد يكون عندو خلفية عن الدبلومة دي يقولي ملخصها عن ايه وهوصل فيها لايه بالظبط لاني عملت سيرش لما تعبت وموصلتش لاي نتيجة للاسف وعايزة يكون عندي خلفية شوية عنها قبل ما ابدا ان شاء الله

[Samar Elbedwehy]

بصراحة انا كان نفسى اساعدك بس بجد أول مره اسمع عن دبلومة معلومات الاعمال بس انت ليه متحضريش فى قسمك علوم حاسب .. ؟

[FCI4ALL.COM Ads]

عفواً .. يمكنك ألغاء ظهور الاعلانات بتسجيل الدخول