إقتباس(ainar @ Aug 14 2009, 12:01 PM)
السلام عليكم
ازيكم كلكم يارب تكونوا بخير
انا كنت عايزة استفسر عن حاجة مهمة وبصراحة قولت مفيش غير الناس اللي في المنتدى الجميل ده اللي يقدروا يفيدوني
انا كنت سالت في حاسبات حلوان عن الدبلومة وعرفت انها قسمين دبلومة معلومات اعمال ودبلومة معلوماتية طبية ومدة الدراسة سنة وانت وشطارتك لان النظام طبعا ساعات معتمدة
قدمت في دبلومة معلومات الاعمال لاني عايزة اكمل ومكنش قدامي غير جامعة حلوان لاني سالت في القاهرة وعين شمس موصلتش للي انا عيزاه يا اما الدبلومة عندهم بتخلص في سنتين او تكاليفها عالية قوي خصوصا في معهد الدراسات والبحوث اللي الترم الواحد فيه الفين والدبلومة سنتين يعني عشاناخلصها هتكلفني 8000 وده طبعا لا يعقل ومعهد الدراسات والبحوث هو تابع لجمعة القاهرة تقريبا لان القاهرة مفيهاش دبلومة فمكنش قدامي غير حلوان
وبالاخص دبلومة معلومات الاعمال لان دبلومة معلوماتية طبية دي حسيتها بعيدة شوية عننا وعرفت ان ينفع يقدم فيها طبعا طلبة طب وصيدلة وهندسة لان هتفيدهم هما اكتر وهيا شوية خاصة بيهم
اللي مخليني متاخدة شوية ان خريجين تجارة يقدروا يقدموا عادي في الدبلومات دي مع احترامي ليهم بس انا فكرت بيني وبين نفسي هما ليه مش عملينها لطلبة حاسبات بس لو كانت خاصة بحاسبات فعلا ؟ وهتبقا الدراسة بالعربي ولا بالانجليزي على اساس ان خريجين تجارة اعتقد دراستهم بالعربي ومستوى الدبلومة لان طبعا احنا دراستنااقوى من دراسة تجارة بصرف النظر عن لغة الدراسة المحتوى كمان هيبقا عامل ازاي اسالة كلها بتدور في دماغي وقلقاني
انا عرفت ايه المواد اللي في الدبلومة ولقيت في مواد كتير شبه حجات احنا درسناها زي الذكاء الاصطناعي والGIS وداتا بيز وحجات تانيةكتير بس لقيت فيها كمان مواد اسمها غريب عليا يعني في مادة اسمها الرسم بالكمبيوتر ومادة كدة تبع كلي تجارة وباينة من اسمها بس مش فكراها دلوقتي
انا من الاخر عايزة حد يكون عندو خلفية عن الدبلومة دي يقولي ملخصها عن ايه وهوصل فيها لايه بالظبط لاني عملت سيرش لما تعبت وموصلتش لاي نتيجة للاسف وعايزة يكون عندي خلفية شوية عنها قبل ما ابدا ان شاء الله
بص حضرتك هو دبلومة المعلوماتية الطبية مش بعيدة عننا ولا حاجة بس حضرتك اللى مش ليكى ميول لصناعة البرمجيات الطبية وفى ناس غيرك ليهم الميول دة وانا عارف خريجين حاسبات كتير اوى عاوزين يكون مهندسين معلومات طبية ويكون مديرين اى تى فى مجال المعلومات الطبية ويكون شغلهم فى مستشفيات او مراكز طبية وغيرها . اما بالنسبة لدبلومة معلومات الاعمال فدى دبلومة عشان تقويكى اكتر فى صناعة تكنولوجيا المعلومات فى مجال البيزنس فحضرتك هتاخدى مواد زى البيزنس الالكترونى والتجارة الالكترونية وهيكون مشروعك مثلا تعملى ويب سايت مثلا على هيئة مزاد او مواد للبيع الالكترونى زى موقع امازون . بصى حاسبات حلوان عملت حاجة حلوة اوى عملت دبلومة متخصصة زى دبلومة فى علوم الحاسب ودبلومة تطبيقية زى دبلومة المعلوماتية الطبية . طيب اية الفرق بين الدبلومة المتخصصة والدبلومة التطبيقية . الفرق بسيط ان الدبلومة المتخصصصة هتديكى علم وبس لكن الدبلومة التطبيقية هتديكى علم وتطبيق ويكون فية مشروع تطبقى علية كل المواد . مثلا فى دبلومة علوم الحاسب هتاخدى مواد فى هندسة البرمجيات وتعملى اى مشروع برمجى فى اى مجال سواء فى بنوك او لشركات اتصالات او لمستشفيات او لمصنع وغيرها لكن فى دبلومة المعلوماتية الطبية حضرتك هتاخدى مواد فى هندسة البرمجيات ولكن هيكون مشروعك فى ادارة المستشفيات او تحليل صور الاشعة يعنى من الاخر هيكون مشروعك فى مجال لة علاقة بالطب . انا صراحة شايف الدبلومة التطبيقية افضل بكتير لان بعد مرحلة البكالوريوس لازم يكون فى اتجاة تقوى نفسك فية . انا مثلا عشان بابا محاسب فى بنك فنفسى اكون مهندس اى تى فى بنك او شركة اوراق مالية لانى فاهم المجال دة من بابا وعندى معلومات عنة فعشان كدة نفسى احضر دبلومة فى حاسبات حلوان فى دبلومة معلومات الاعمال وممكن اعمل مشروع تامين معلومات لبنك و كمان تطوير شبكة المعلومات بالبنك بحيث تقدر تخدم كل العملاء وتطور الاى تى بحيث مثلا البنك يقدر يبعت رسايل اس ام اس للعملاء بتوعة لاى انظمة جديدة وكل دة عاوز يكون في بنية تحتية للشبكات وامن المعلومات رهيبة و دة طبعا شغل شبكات وامن المعلومات بقة . يارب تكونى فهمتى المطلوب وانا تحت امرك
Sep 5 2009, 09:15 AM
