استفسار بخصوص الاشتراك فى الجمعية خيارات

[amn_time]

السلام عليكم ورحمة الله وبركاته
احب ارحب بكل الموجودين وكنت عايز اعرف لماذا لاتقبل الجمعية خريجى كلية العلوم قسم علوم حاسب مع العلم بأن طلبة كلية الحاسبات تعلموا على يد اعضاء هيئة تدريس من كلية العلوم ومجال العمل يكاد يكون واحد

شكرا

[Eng.ahmed_desoki]

لا تقبل كلية الحاسبات كلية العلوم لان كلية الحاسبات منفصلة ولها طبيعة تخصص تختلف عن كلية العلوم و عن كلية الهندسة وكمان لو قبلت الجمعية كلية العلوم يبقى لازم تقبل كلية الهندسة والاتنين علمونا وبعدين مفيش حاجة اسمها علموتنا وحد علمكوا ما كلية العلوم علمت كلية الهندسة والطب . وبعدين لية جمعية المهندسين المصريين مش بتقبل علوم قسم كيمياء وعلوم قسم اتصالات و علوم قسم فيزياء وعلوم الكترونيات . ياريت نكون كلامنا موضوعى شوية وكمان احنا كلية منفصلة لحالنا وكيان منفصل و ربنا يوفق الجميع

[amn_time]

كلامى موضوعى جدا ولو مش فاهمه ممكن اوضحهولك مفيش نقابة مقتصرة على خريجين كلية الاداب او نقابة مدرسين التاريخ ولكن فى نقابة المعلمين وحتى نقابة الهندسة بتقبل كليات الهندسة وكلية الفنون قسم عمارة والمعاهد الخاصة والمعاهد العالية والاكاديميات , وهندسة البرمجيات مش حكر على كلية الحاسبات والمعلومات كان اولى تسموها جمعية الحاسبات والمعلومات علشان تكون قاصرة على خريجين الحاسبات او حتى اى اسم تانى لان هندسة قاصرة على خريج الهندسة

وبخصوص علوم قسم اتصالات و علوم قسم فيزياء وعلوم الكترونيات انا اول مره اسمع عن التخصصات دى
وبلاش علمونى وعلموك الاساتذة اعضاء مجلس ادارة الجمعية اكيد مش متخرجين من حاسبات ومعلومات

وربنا يوفق الجميع

[Eng.ahmed_desoki]

لا يا باشا فية علوم قسم كيمياء واتصالات والكترونيات و علوم فيزياء وادخل على كلية علوم عين شمس و انت تعرف . بالنسبة لمهندس برمجيات فهى مقصورة علينا احنا فقط لان عندنا تخصص اسمة كدة وكمان طبيعة دراستنا كلها هندسة البرمجيات . و بعدين باالنسبة لعلوم ففيها قسم رياضة وحاسب الى و هو شعبة من رياضة مش رياضة وهندسة برمجيات . بعدين فى نقطة انتم مش واخدين بالكم منها انكم كلية علوم وفيها اهتمامات كتير من ضمنها الرياضيات وعلى فكرة مفيش فى نقابة العلميين شعبة اسمها حاسب الى

[amn_time]

مين ياباشا قال اننا علوم حاسب ورياضة , كلية علوم فيها علوم حاسب وحاسب ورياضة وحاسب واحصاء
وعلوم حاسب سبشيال اعتقد موجود فى محافطة المنيا فقط والدفعة لا تتعدى ال 45 طالب اما بخصوص التخصصات الى ذكرتها فهاهو موقع جامعة عين شمس http://sci.shams.edu.eg/
ومش موجود غير تخصصين هما الفيزياء والرياضة فلو كانت التخصصات دى تخصصات فرعية
وشعب يبقى ملناش علاقة بيها طيب تسألنى ليه علوم الحاسب موجودة فى المنيا ومش فى اى مكان تانى اجاوب واقولك لان المنيا مكانش فيها ميزانية تفتح كلية حاسبات فعملت القسم ده ولما فتحت حاسبات قعدت سنتين تاخد تحويلات وبخصوص الدراسة الى بتقول كلها هندسة برمجيات دى كورس تم تقسيمه على الاربع سنين نفس الكورس بيتاخد فى علوم حاسب وهندسة فى سنة واحده وعدد الساعات هيا الى تحكم بينا وادى الايحة الخاصة بالكلية ممكن تشوف بنفسك هل المواد رياضة وحاسب ولا علوم حاسب

http://www.ultraik.com/dan/Untitled.jpg

وشكرا

[Eng.ahmed_desoki]

يا باشا احنا عندنا تخصص اسمة هندسة البرمجيات تخصص يعنى قسم واديك قولت مكنش يوجد فى المنيا حاسبات ومعلومات . بعدين يا عم احنا ناس احرار عاوزين جمعية تخصنا نعمل فيها اللى احنا عاوزينة و عاوزينها تكون لخريجين حاسبات ومعلومات مش اى كلية تانية و على فكرة اسم الجمعية يعنى الشئون الاجتماعية صدقت علية بعد ما عملت دراسة عن الاسم وكمان امن الدولة . انا مش فاهم كل واحد عاوز يتمسح فى حاسبات ومعلومات بتوع هندسة يقولك احنا علمناكم وبتوع علوم يقول اللى احنا اللى علمناكم وبتاع هندسة يقولك انا احق بالسوق وبتاع علوم لالالا انا وفى الاخر السوق هو اللى بيحكم وحكم فعلا بدليل ان هندسة حاسب وعلوم حاسب مفتوحين فبل حاسبات بكتير و رغم ذلك حاسبات بقيت على القمة فى 10 سنين والطلب مطلوب على حاسبات وليس هندسة ولا علوم ولو سالت اى حد فى الشارع تقولة مهندس كمبيوتر هيقولك انت كلية ولا معهد حاسب الى حتى الناس العاديين عرفوا الكلام دة . ارجو ان حضرتك تفهم اننا من حقنا يكون لينا جمعية او نقابة او اتحاد .

[amn_time]

اه طبعا من حقكم يكون ليكم جمعية تضمكم مقلناش حاجه واحنا مش بنتمسح فى حد ولا حاجه بس زى ما قلتلك هندسة البرمجيات مش حكر على حاسبات ومعلومات بس هى كل جماعة فاكرة انها الصح وبقية الناس ملهمش فايدة ودا مش بس فى مجال الكمبيوتر ده فى كل حاجة فى البلد ومين قال ان حاسبات بقت على القمة دى بتاخد مجموع اقل من هندسة وبخصوص مهندس كمبيوتر انا مابقلهاش ابدا لان مجال الكمبيوتر كل من هب ودب بيشتغل فيه وبيتقال عليه مهندس كنت اتمنى جواب واحد مقنع وانا هروح افتح جمعية مهندسين الرياضيات والفزياء بما ان هندسة البرمجيات تخصص وع العموم شكرا على الرد

[Eng.ahmed_desoki]

دى حرية افتح جمعية الفيزياء الرياضة جمعية العرب للعلوم الرياضية اعتقد دى حرية . ربنا يوفقك اما بخصوص حاسبات فى القمة فدى حقيقى فى القمة حتى فى الشغل فى القمة مطلوبة عن بقية الكليات و كل الناس عارفة كدة كويس . اما بخصوص اننا بناخد اقل من كلية تانية فاحنا كنا بناخد اعلى من هندسة ودة عرض وطلب بالنسبة لطلبة الثانوية العامة . وعلى فكرة معيار اختيار كليات القمة مش بيكون على اساس مين اعلى و مين اقل بمعنى ان لو فى طالب جايب 100% ودخل علاج طبيعى يبقى دى كلية مرغوبة برغم انة جايب مجموع طب فكليات القمة مش بتتحسب بالمجموع بتتحسب بالطلب عليها وفى ناس كتير بتبقى جايبة مجموع 97% وبيدخلوا حاسبات و معلومات . بعدين بالنسبة للى انت بتقولة صح ان البلد فيها حالة مرج و هرج و كل واحد فاكر ان التانى ملوش لازمة كلامك صح بس فى حاجة مهمة ان فى ناس كتير بتشتغل غير شغلها يعنى مثلا تلاقى واحد طبيب فشل يروح يشتغل فى مهنة تانية وللاسف هو مش بيكون جدير بالمهنة دى ومسيطر عليها و انا هديلك مثال انا عارف ناس بكالوريوس تجارة وعلوم قسم فيزياء ورياضة بيشتغلوا مبرمجين و رغم كدة بيشتغلوا لغات برمجة على ويندوز 98 زى الفوكس و دى لغات برمجة قديمة اوى وبيشتغلوا فيجوال بيسك و اكسس و دة طبعا مسيطر على وظيفة ومش بيطور المجال و كمان بيخلى مجال الاى تى فى مصر واقع وهكذا مع ان دة غلط او المفروض يكون بنظام مش باى طريقة وخلاص لذلك مشكلة الاى تى فى مصر العاملين فى المجال مفيش كيان ينظمهم ولا يديرهم ولا يدير شئون المهنة والمجال وانا هقولك كل المناقشات التى دارت داخل مجلس الشعب بخصوص تنظيم العاملين فى مجال الاى تى وتنظيم المهنة و شكرا لمشارتكم وعلى فكرة احنا بتناقش مش بنحارب بعض

[ashaker]

مع الاحترام لنقابة حاسبات هل يعقل ان ترفض ثلاث كليات (نظم ادارية-نظم جغرافية-علوم قسم حاسب) داه كلام غير منتقي

[Eng.ahmed_desoki]

على فكرة انتم فاهمين غلط خالص احنا مش رافضين حد . قانون اى نقابة بيعتمد على الخريجين حسب المجلس الاعلى للجامعات فمثلا نقابة العلميين بتعتمد على خريجين كلية العلوم اللى هما داخل المجلس الاعلى للجامعات يمثلوا قطاع العلوم الاساسية و نقابة الاطباء بتعتمد على خريجين كلية الطب اللى هما قطاع العلوم الطبية وكلية التجارة بتقبل خريجين كلية التجارة اللى هما ليهم قطاع اسمة الدراسات التجارية و جميع النقابات و من الممكن ان تشترط النقابة بعض الشروط الاخرى زى ما نقابة الاطباء رفضت كليات الجامعات الخاصة نظرا للكفاءة والخوف من قلة التدريب وغيرها او شروط اخرى زى النقابة الصحفيين التى تقبل اى خريج بشرط ان يكون مارس المهنة 5 سنين قبل القيد بالنقابة . كذلك خريجين حاسبات ملهمش نقابة وبعض النقابات حاولت تضمهم ليها زى نقابة العلميين بتضم قسم علوم الحاسب على اساس انة اسمة قسم علوم الحاسب مع ان دة مش مزبوط خالص لان احنا لينا قطاع اسمة قطاع الحاسبات و المعلومات بالمجلس الاعلى للجامعات ولسنا داخل قطاع العلوم الاساسية عشان نقابة العلميين تقبلنا وهكذا ولذلك احنا لينا قطاع اى كلية حكومة او خاصة تم انشاءها او سوف يتم انشاءها وبتاخد معادلة من قطاع الحاسبات و المعلومات فى المجلس الاعلى للجامعات خلاص هتدخل معانا ونفترض ان الحكومة عملت كلية اسمها طب كمبيوتر او طب الحاسب الالى او تجارة الحاسب الالى او تجارة تكنولوجيا المعلومات والكلية دى تقيدت بقطاع الحاسبات و المعلومات ومعادلة بكلية الحاسبات و المعلومات هتدخل النقابة بالاضافة ان قانون نقابة مهندسين البرمجيات حدد شروط اخرى زى قبول خريجين حاسبات و معلومات بعد اجتيازهم الاختبار و دة عشان نضمن ان مستوى الخريج كويس و اى خريج من كلية الحاسبات مستواة ضعيف مش هيقبل فى النقابة وخصوصا خريجين الجامعات الخاصة لان بعض الناس بتروح تاخد شهادة فقط لان ابوة نفسة يشوفة دكتور ولا صيدلى ولا مهندس فعوزة اسم فقط . اتمنى ان الناس تفهم كدة لاننا مش ضدد حد خالص وبالنسبة لمشاكل الناس اللى اشتغلت فى مجال تكنولوجيا المعلومات وغير خريجين حاسبات وكذلك الناس اللى لسة هتشتغل فان نقابة مهندسين البرمجيات سوف تنظمهم وتضعهم فى اطارهم الصحيح وهذة الامور تم مناقشتها داخل مجلس الشعب عند مناقشة قانون نقابة مهندسين البرمجيات وسوف اطرحها عليكم فى القريب العاجل باذن الله ولكم جزيل الشكر

[moh_rahem]

أنا عايز أعرف المنتدي خاص بطلية وخريجي الحاسبات والمعلومات

ولا بالكليات التانية

مفيش إلا مهندس أحمد الدسوقي اللي بيرد من حاسبات ومعلومات

والباقي من أماكن تانية

أنا بدأت أفقد الأمل في المنتدي ده

[moh_rahem]

بالمناسبة يا باشمهندس أحمد دسوقي عرفنا الإشتراكات في الجمعية متوقفة ليه

وشكراً

[FCI4ALL.COM Ads]

عفواً .. يمكنك ألغاء ظهور الاعلانات بتسجيل الدخول